Ekopark bu — sayr va vaqt faol oʻtkazish uchun yaratilgan joy. Parkda yugurish yoʻlakchalari, sport trenajyorlari va stol tennisi oʻrnatilgan maydoncha, hamda ko'plab hamfikrlarni uchratish mumkin.

Bundan tashqari, parkda umumiy ovqatlanish muassasalari mavjud va u yerda deraza ortidagi yoqimli manzaradan bahramand boʻlib, mazali va sifatli ovqatlanish mumkin. Albatta, kechqurun atrofida sayr qilish juda yoqimli boʻlgan bogʻ markazidagi kichik koʻl.

Muhammad Al Xorazmiy nomidagi IT-maktabi — Oʻzbekiston Respublikasi prezidenti, hamda Prezident, ijodiy va ixtisoslashtirilgan maktablarni rivojlantirish agentligi tomonidan belgilangan kvota asosida oʻquvchilarni 5-sinfdan qabul qiladigan mamlakatdagi yagona IT-maktabi hisoblanadi.

IT-maktabining asosiy vazifalaridan biri maktab yoshidan boshlab oʻquvchilarga dasturlash asoslari, axborot xavfsizligi koʻnikmalarini oʻrgatish, maʼlumotlar bazasini yaratishni oʻrgatish, shuningdek, raqamli media madaniyatini shakllantirishdir.

INVENTO the Uzbek International School boshlangʻich dastur boʻyicha IBʼning vakolatli butunjahon maktabi hisoblanadi.

Shuningdek, oʻquv muassasasi IB MYPʼga nomzod maktabdir. Maktab falsafasi: INVENTO UIS talabalar uchun muhim deb hisoblagan jiddiy va sifatli xalqaro taʼlimni taqdim etish.

Parkent bozori — bir vaqtning oʻzida bir nechta alohida bozorlarni jamlagan afsonaviy bozor. Bozorning birinchi qismi —bolalikdan hammamizga tanish boʻlgan, peshtaxtalari yangi mahsulotlarga toʻla oziq-ovqat bozoridir. Bozorda har doim issiq non, dehqonning sabzavot va mevalari, tabiiy asal va yongʻoqlarni topish mumkin. Bozorning ikkinchi qismi — qurilish mahsulotlari.

Bu yerda qurilish va taʼmir uchun zarur hamma narsa — pardoz materiallaridan tortib yoritish moslamalarigacha topish mumkin. Bozorning uchinchi qismi — kiyim-kechak bozori. Doʻkonlarning aksariyati butun oila uchun zarur kiyim-kechak, poyabzal va kosmetika mahsulotlari bilan savdo qiladi. Nihoyat, bozorning toʻrtinchi qismi — gullar qatoridir. Xonadoningizni gullar bilan bezash yoki sovgʻa uchun bir dasta gul kerakmi? U holda, bu yerga marhamat. Bozor yaqinida bank, bankomat va ayirboshlash shoxobchalarini uchratish mumkin. Bitta bozorning oʻzida shunchalik xilma-xil mahsulotlar.

Ashxobod bogʻi — kirish joyida sizni aygʻirlar suruvi shaklidagi yulduzli favvora kutib oladigan va goʻzal meʼmorchilikdan bahra olib, maroqli sayr qilish mumkin boʻlgan joy. Bogʻ Oʻzbekiston va Turkmaniston oʻrtasidagi doʻstlik sharafiga qurilgani uchun ushbu nomga ega. Bogʻning maydoni 12 gektar boʻlib, unda ikkita — sayr qilish va dam olish hududlari mavjud. Sayr hududida koʻplab koʻkalamzor, yugurish va velosiped yoʻlakchalari mavjud.

Bu yerda kabinalariga konditsionerlar oʻrnatilgan mamlakatdagi eng baland charxpalak va yagona delfinariy mavjud. Dam olish hududida 60 ta attraksion va oʻyin avtomatlari, shuningdek, keng karting maydoni va turli konsertlar uchun moʻljallangan, tomoshabinlar zaliga ega yopiq amfiteatr mavjud. Sayr qilib, toza havodan nafas olish va dam olish kunlarini oila bilan qiziqarli oʻtkazish uchun judamaqbul bogʻ.

Atrium — Yashnobod tumani, Maxtumquli koʻchasi, 1-uyda joylashgan, soat 10:00 dan 22:00 gacha ishlaydigan savdo markazidir. Savdo markazida Makro va FixPrice kabi mashhur savdo tarmoqlarini uchratish mumkin. Savdo markazida uy-roʻzgʻor uchun kerakli xaridlardan tashqari, kiyim-kechak, parfyumeriya, kosmetika, dekor, gazlama, uy anjomlari va hatto mebel ham sotib olish mumkin. Unchalik katta boʻlmagan, ammo turli xil doʻkon va hamyonbop narxlar taklif etadigan savdo markazi.

Savdo markazida xaridlardan tashqari, bolalar shoulari ham oʻtkaziladi. Atrium savdo markazi — bizning turar-joy majmuamiz uchun dilkash qoʻshnidir.